Close

Ophis jong ka District Social Welfare Officer (DSWO)

Ka Jinglamkhmat

Lah sdang iaka District Social Welfare Ophis ka Ribhoi ha u snem 1993 bad ka ai ka jingshakri bad ka jingiarap ba kyrpang eh naka bynta ka jingbha jong ki briew ba don jingduna ha ki dkhot met, ka ai jigiarap iaki kynthei bad ki ‘riewtymmen. Ka DSWO ka pyntreikam ia ka skim jong ka Social Welfare na ka bynta ka jingbit jingbiang jong ki briew kiba duna ha ki dkhot met. Kane ka long hadien ka jingpeitbniah, ka jingkhmih bniah ia ki jingdon ki briew kiba duna ki dkhot met kiba pher bapher bad ka trei ruh, naka bynta ban iai wad ia kito ki briew kiba duna ki dkhot met bad iarap ban pynioh ia ki jingiarap na ka bynta jong ki.

DSWO Jingpynbna

  • Ym lap jingthoh ei ei

Quick Link

Contact Us

  • dsworbd@gmail.com
  • 9366197286
  • Office of Social Welfare Officer, Down Gate, Nongpoh, Ri-Bhoi District - 793102

Ka lad ai Jingiarap (Grant- in- Aid)

  1. Ki lad ai jingiarap ia ki Seng Bhalang kiba trei na ka bynta ka jingbha jingmiat ki kynthei/ longkmie bad ki khynnah (Women & Child Welfare) hapoh ka distrik. Kane ka long tang ia kito ki Seng Bhalang kiba la ithuh da ka Sorkar bad kiba la ai ka jingshakri ym duna ia ka San snem (5 years). Kine ki Seng Bhalang ki lah ban ioh ka jingiarap na ka bynta ban kyntiew bad pynbha ia ka jingshakri jong ki
  2. Ka Prokram ban ialeh pyrshah ia u drok (Anti Drug)bad kiwei kiwei ki jingdih pynbuaid da kaba la pynlong hapoh ka distrik lyngba ki Seng Bhalang (Voluntary Organizations) kiba trei mon sngewbha ban iarap naka bynta kito ki briew kiba la kyrni ha ki drok bad kiwei kiwei ki jingdih buaid.

Ki phom ba lah ban applai (Application Forms)

    1. Kiba applai bai bam thymmai (Fresh Scholarship) na ka bynta kiba duna dkhot met (Disabled).
    2. Kiba la ju applai baibam (Renewal Scholarship) na ka bynta kiba duna dkhot met (Disabled).
    3. Kiba applai thymmai naka bynta ka bai kot/ bai uniphom/ bai leit bai wan.
    4. Kiba la ju applainaka bynta ka bai kot/ bai uniphom/ bai leit bai wan.
    5. Kiba applai thymmai na ka bynta ka jingiarap ia kito ki bym pat don kam don jam.
    6. Kiba la ju applai na ka bynta ka jingiarap ia kito ki bym pat don kam don jam.
    7. Kiba applai thymmai naka bynta ki lad ai jingiarap (Grants- in- Aid).

Ka jingpynrung kyrteng ia ki briew kiba dei ki Transgender Person : la pyntreikam lyngba ka website jong ka National Portal for the Transgender Persons ha kaba kito ki briew kiba kwah ban applai ia ka certificate Jingpynshisha (Transgender Certificate)bad Ka card Jingithuh (Identity Card) kaba la ai lyngba ka online ha ka website, kata ka dei ka https://transgender.dosje.gov.in/

Organizational Chart

DSWO Organizational Chart

Ka jingpyntreikam ia ki Ain kiba duna dkhot met, 1995

1. Ka baibam na ka bynta ki khynnah pule kiba don jingduna ha ki dkhot met

kiba dang iai bteng ia ka jingpule ha ki kyrdan kiba kham shajrong; kita ki long ha ki skul, ki kolej bad ki jaka ai jinghikai naduh Nursery/ Class A haduh ki kyrdanpost graduate bad kumta ter ter, kata ka jingiarap ka long lyngba ka jingpyndap ia ki phom. Ka dor jong ka baibam ka long katkum ki kyrdan jingpule jong ki khynnah kaba kynthup ia kiba sah ha ki hostel bad ki bym sah hostel. La pynkhreh ruh ia ka bai pule na ka bynta ki khynnah kiba don jingduna ha ki khmat (Visually Impaired) kata ka long naduhklas kaba khyndai (Class IX) shaneng.

Ka jingdon jong ki khynnah pule ha u snem 2021- 2022
Kyrteng ki lad ai jingiarap (Schemes) Type Ka jingdon ki khynnah
Baibam Kiba dang thymmai (Fresh) 80
Kiba la ju applai (Renewal) 43
Bai kot/ Uniphom/ Bai kali Kiba dang thymmai (Fresh) 74
Kiba la ju applai (Renewal) 41
Bai pule (Reader Allowance) Kiba dang thymmai / Kiba la ju applai Bai pule 0
Ka jingiarap naka bynta ki bym pat don kam don jam Kiba dang thymmai (Fresh) 5
Kiba la ju applai (Renewal) 28

2. Ka kam ai jinghikai ia ki briew kiba duna dkhot met ban seng kam seng jam la jong:

Ia ka kam ai jinghikai naka bynta ki briew kiba duna ha ki dkhot met la pyniaid lyngba ki Seng bapher bapher kiba la ithuh da ka sorkar (Voluntary Organizations) lane ki Self Help Group (SHGs) kiba don hapoh ka distrik. Ka jingjlan ka jingai jinghikai kan long shisnem thik. Kan don ruh ka jingai Token Relief Grant ia ki nongshah hikai (Trainees) hadien ba ki la pyndep ia ka jinghikai kaba long Rs 5000/- (San Hajar Tyngka aw) marwei. Ka jingthmu ka long ha kaba kin lah ban thied ia ki tiar kiba donkam katkum ka jinghikai kaba ki ioh

Kyrteng ka Prokram Ka jingdon ki nongshah hikai (Trainees) Kyrteng ka Jaka ai Jinghikai/ Self Help Group
Ka kam ai jinghikai na ka bynta kiba duna ha ki dkhot met 5 Ferrando Speech & Hearing Centre, Umniuh Khwan
5 SEALDA Ri Bhoi SHG

3. Ka sumar naka bynta kiba la tymmen la san:

Kane ka skim ka kynthup ia ki shynrang bad ki kynthei kiba la tymmen la san kata ka longkiba la palat Hynriew phew san snem ka rta (65 years) ia ki Shynrang bad Hynriew phew arsnem ka rta (62 years) ia ki Kynthei, kata ka jingiarap ka long Ar Hajar Ar Spah tyngka (Rs. 2, 200/-), tang shisien ai naka bynta ka jingsumar ia ka jingshitom jong ki.

Kyrteng ka skim Ka jingdon kiba ioh jingiarap
Bai sumar naka bynta kiba la tymmen la san 94

4. Ka Jingai Jingiarap sha ki Seng Bhalang (NGOs)/ SHGs na ka bynta ka jingshakri ia ki khynnah kiba donkam jingsumar bad jingiada(Creche)

  1. Kane ka skim ka long ban ai jingsumar, ban iada bad ban pynbiang ia ki khynnah kiba naduh six bnai (6 months) haduh hynriew snem (6 years) ha ki jaka ba la shna kyrpang, kaba ki kmie ki kpa jong ki ki wan ban buh ia ki ha ka por ba ki leit sha ki kam ki jam jong ki (earning their livelihoods). Ha kane ka jaka, ia ki khynnah la pynbiang ia ki jingbam kiba tei na ka bynta ka jingkoit jingkhiah kaba la kyrshan pisa lyngba ka skim National Creche. Ia ki khynnah kiba hapoh lai snem shapoh (3 years below) la ju hikai ba kin khlain ka bor pyrkhat pyrdain, katba ia kiba laisnem shaneng (3 years above) la hikai kumno ba kin tip ia ka jingsdang ha ka pule lyngba ki dur lane kiba ngi hot ki pre school.
  2. Ka don ruh ka jingthew ia ka jingkhia jong ki khynnah bad kumjuh ia ka jingkoit jingkhiah da ki doktor
  3. Kaophis jong ka distrik ka nang ai mynsiem ia ki Seng Bhalang/ SHG ba kin buh ia kane ka jaka ri ia ki khynnah, ka jingiarap naka bynta ki ‘riewkynthei, kiba kamai marwei ba kin ioh ka lad ban pynbit pynbiang ia ka iing ka sem

5. Ka Chief Minister Wedding Assistance Skimnaka bynta ki khunswet

la sdang ha u snem 2014 kaba don jingthmu ban kyntiew ia ka imlang sahlang. Kane ka skim ka long na ka bynta ka bai iathoh/ kyntiew kurim ba don burom jong ki khynnah kynthei kiba sah khunswet (poor orphan girls) kiba la duh ia ki kmie ki kpa kata kiba la dap khatphra snem shajrong (18 years above) bad la pyntreikam ia kane ka skim da ka ophis jong ka DSWO. Ka jingiarap ka long 15,000 ( Khatsan Hajartyngka). Phin gap ban pyndap iaki phorm bad ban submit sha ka ophis jong ka DSWO.

6. Ka National Programme and Rehabilitation of Persons with Disabilities (NPRPD):

Lyngba kane ka skim ki briew kiba don ka jingduna ha ki dkhot met ki lah ban ioh ia ka Disability Certificate na ki Doktor/ Specialist ban pynshisha ia ki jingduna ba ki don ha ki dkhot met jong ki, da kaba ki wan ha ka jaka ba la pynbeit kyrpang (Assessment Camps) kaba ju pynlong man ka por hapoh ka distrik naka bynta jong ki briew ba duna dkhot met. Kito ki briew kiba la iohka jingpynshisha (Disability Certificate) ryngkat bad ki UDID lane ki Card (Unique Disability Identity Card) ki lah ban ioh ruh ia ki tiar katkum ka jingdonkam jong ki kaba long shibynta na kane ka skim.

Haduh mynta ki don kumba 2256 ngut ki briew kiba don ia ka jingduna ha ki dkhot met hapoh ka distrik.