Histori bad Ka Rukom Im
La seng pura ia ka Ri Bhoi distrik ha u 4 tarik u Jylliew, 1992 da kaba pynkyntiew na ka Ri Bhoi Civil Sub-Division. La pynmih ia ka distrik da kaba phiah ia ka East Khasi Hills, distrik bad ka shong hapdeng ki Latitude 25 15′ kaba shatei and 26 15′ bad hapdeng ki Longitude 91 45′ and 92 15′ kaba sha mihngi. Ka Ri Bhoi ka kynthup lang ia katto-katne ki jaka jong ki Hima Khasi kum ka Hima Mylliem, Hima Khyrim, Hima Nongspung, Hima Nongkhlaw, Sirdar Nongpoh, Sirdar Myrdon bad Sirdar Nongwah ka bym don shuh mynta. Ia ka Ri Bhoi districk, lah ker sawdong da ki districk Kamrup, Morigoan bad Nagoan jong ka jylla Assam ha ka liang shatei,ka Karbi Anglong distrik jong ka jylla Assam sha ka liang mihngi, ka Eask Khasi Hills, distrik sha ka liang shathie bad ka West Khasi Hills distrik sha ka liang sepngi. Ka Nongpoh ka dei ka distrik headquarter bad kumjuh ruh jong ka Sirdar Nongpoh. Ka Ri Bhoi district ka don ka jingheh kaba 2448 Sq.km kaba kyntait noh ia ka jaka jong ka Hima Nonwah kaba don ha ka jingia kajia hapdeng ki jylla Meghalaya bad Assam.
Ka Rukom Im
Ki Bhoi jong ka Ri Bhoi district ki dei ki tnad jong ka jaitbynriew Khasi. Kiba bun na ki ki kren ia ka ktien Bhoi watla ki pyndonkam ia ka ktien Khasi ha ki jingthoh bad jingpule jong ki. Ha Ri Bhoi distrik, don sa kiwei ki jaitbynriew kum ki Garo, Karbi, Marngar, Bodo bad ki Lalung. Ki Bhoi ki bud ia rukom ai jait sha ka kmie bad ka khun kynthei ka dei ka nongpeit bad sumar ia ki jaka- ki puta jong ki kmie- ki kpa.
Ki Jingshad
Ka Shad Sajer: Kane ka jingshad ka dei kaba ki iashad man u snem ha Nongbah (Raid Nongpoh) da ka Seng Pynneh Riti Khat-ar Lyngdoh bad shait shad ha kut tarik u Kyllalyngkot. Ki shnong majan ruh ki ju ia shimbynta ha kane ka jingshad bad ka long ruh ka por ban ialehkmen. Kiwei ki jingshad ki kynthup ia Ka Shad Shohkba jong ka Raid Nongkharai, Ka Shad Shutwait bad Shad Dongdong, Ka Shad Malangho bad Shad Kynjuh Kynthei jong ka Raid Nonglyngdoh, Ka Shad Puh Lyngkha jong ka Raid Sohkhwai, Ka Shad Shutwait bad Kynjuh Kynthei jong ka Raid Nongkhrah.
Ka Shad Krud Ksing : Kane ka jingshad ka dei ka jingshad kmen da ki briew jong ka Raid Thaiang.
Kiwei ki jingshad kmen jong ka Ri Bhoi Distrik ki kynthup ia Ka shad Lakympong, Lukhmi jong ka Namsha, Thaiang, Nongtung bad Tyrso, Ka Shad Krudkba bad Langhei jong ka Marngar.