Ki jaka ba khring jingmut

Umiam

Kane ka jaka ka don ha lynti ban leit sha Shillong. Hangne, ki briew ki lah ban leh bun sport um kum  sailing, water skiing, water scooter.Ka Orchid Lake Resort kaba don markhap kadei kawei ka jaka sah kaba pyngngad bad jar jar.

Lum Nehru Park

Kane ka jaka ka don mar khap ia ka Orchid Lake Resort. Hangne don ka park kaba itynnad kaba tip kyrteng kum ka “Nehru Park”. Nalor ki phlang bad syntiew ba itynnad, don sa ka iing buh ia ki syntiew orchid bad ka iing ba ri ia ki sim ba bunjait.

Dwar Ksuid

Kane ka jaka ka don ha Khapmara, hajan Bhoilymbong, Umroi. Ki shait khot ruh ia kane ka jaka kum ka “Lover Paradise”. Ka wah lat lat bad ki maw sing ba btuit ka khring ia ki nong jngohka bad nongbam khana ba kumjuh ruh ia kiba act phlim. Namar ka kyrteng “Dwar Ksuid”, ka ju mih ka jingkylli,”Balei ki ai kyetng Dwar jong u ksuid”? Lehse don ka jingmut aiu aiu hadien kane ka kyrteng. Watla katta ruh, ka jingitynnad jong kane ka jaka bad kumjuh ruh ki jaka hajan haba lah ring ia ka phlim “Manik Raitong”, ha kane ka jaka.

Ka  Orchid Resort

Ka Orchid Resort ka dei ka iing basa  kaba don ha Umiam, markhap u Lum Nehru Park. Ka don kumba 14 Km na ka  kad liengsuin, Umroi “Umroi Airport”, 110 Km na ka kad liengsuin, Guwahati (Guwahati Airport), 86 Km na steshon rel, Guwahati  (Guwahati Railway Station), 17 Km na Shillong bad 34 Km na ka district Headquarter (Nongpoh) . Kane ka iing basa ka long kaba kham pher bad kaba kynjai kaba don ruh ka jaka ialehkai ki sport um ba bun jait. Kham mynshuwa ka ju don ka jaka bam kaba kyrteng ka Fyling Duck kaba shong halor ka lieng (Floating Resturant)kaba dei ruh kaba nyngkong ei ha ka ri India. Ia kane lah thaw dur da u architect ba pawnam ka pyrthei, U Charles Correa. Ka Flying Duck mynta ka trei kam shuh. Namar ka don ha syndah jong ka pung Umiam, kane ka iing basa ka khring ia ki nong jngohkai pythei bad nong ring phlim.

 Lum Sohpetbneng

U lumsohpet bneng u don kumba 40 Kms na ka distrik headquarter. U shong ha ka jaka kaba itynnad bha hajan kawei ka khlaw kyntang. Ki riew Khasi kiba rim ki ju nget ba une u lum u dei u mawjingkieng ksiar ba pyniasnoh ia ka bneng bad kapyrthei. Kat kum ka jingngeit, ha ki por barim, ki ju son khat-hynriew iing(trep) kiba ju ia kiew bad hiar da kane ka jingkieng tangba hadien, hynniew tylli kine ki iing (trep) ki la shong sah noh ha pyrthei.  Na une u lum uba don ha lynti Shillong-Guwahati, lah ban iohi ia jaka ba itynnad kylleng jong u.